Tag: 左撇子學琴有難度

唔知呢度有無左撇子係有玩音樂？我自少就好鍾意音樂，可惜就係咩樂器都學唔識😭記得細個學琴既時候，會成日比鋼琴老師話，左手太大力，要放輕d😵，跟住似乎仲未彈到考試級數，就無再學了。到大學既時候，我又曾自學結他， 但一直都疑惑究竟係左手定右手按弦🤔，總之就係覺得怪怪的，最後都放棄了😅。直到呢幾年在研究左撇子既事情，先發現其實有好多樂器本身都唔係好適合我哋用🤦‍♀️🤦‍♂️ (從來都唔為意亦無人話過我知😵) 不過其實又賴咩😂相信我學唔識樂器既主要原因都係唔夠耐性同恆心🧐或者我地會比一般右手人學弦樂或敲擊樂要格外用功去練習，但其實持之以恆，一樣會成功💪🏻。就好似音樂家貝多芬🎹同結他手Jimmy Hendrix🎸都係有名既左撇子，佢地一樣成為出息同有成就既音樂人🎼。所以最近有個想法，我決定再一次重新學彈琴🎹，今次會成功嗎🤨你地又有無關於學樂器時遇到既困難？不如分享下！